„დედა ტიროდა და პატიებას გვთხოვდა, თითქოს მისი ბრალი იყო ჩვენი ტკივილი და გულის გაგლეჯვა… – ნანუკა გოგიჩაიშვილი მამის გარდაცვალების დღეს იხსენებს

ნანუკა გოგიჩაიშვილი მამის გარდაცვალების დღეს იხსენებს და სოციალურ ქსელში ემოციურ პოსტს აქვეყნებს:

„ხშირად მახსენდება, ის ძალიან გადავიწყებული დღე და წამი… მახსოვს აუზზე ვიყავით მე და ნინი დაგვირეკეს და გვითხრეს, მალე წამოდით მეკო ცოტა შეუძლოდააო …(მეკო ბებო) ავკრიფეთ ნივთები და ჩავსხედით მანქანაში.

იმ წამიდან თითქოს მე და ნინი ერთმანეთს აღარ ვკონტაქტობდით. მანქანაში გვერდიგვერდ ვისხედით. 40 წთ-ის განმავლობაში ხმა არ ამოგვიღია. ტელეფონები ხელში გვეჭირა და არც გაგვიხსნია, რომ “დაგვესქროლა” ასე გაყინულები ვისხედით, მაგრამ დარწმუნებული ვარ, არც მე და არც ნინი ერთი წამითაც არ ვივლებდით თავში აზრად მამაზე ცუდს…. ერთს ვოცნებობდი, სადარბაზოში მისულს ლიფტის მოლოდინში მყოფს, კარი ღია არ დამხვედროდა.

მართლაც, ავედით და 1 წამით გავცოცხლდი ისევ, რადგან კარი დახურული დამხვდა იქ 1 წამით მეტი სიცოცხლე და იმედი მომემატა, კარი რომ გავაღეთ, ჩემი სიცოცხლით სავსე მეკო შემოგვეგება, უკან დედა მოჰყვებოდა, რომელიც ტიროდა და ბოდიშის და პატიებას გვთხოვდა, ისე, თითქოს მისი ბრალი იყო ჩვენ ყველას ასეთი ტკივილი და გულის გაგლეჯვა… მერე აღარაფერი არ მახსოვს“ – წერს ნანუკა გოგიჩაიშვილი