თბილისის საპატიო მოქალაქის წოდება 26 პირს მიენიჭა.გია ბაღაშვილი დედაქალაქის მერმა კახა კალაძემ პირადად დააჯილდოვა.
„გილოცავთ თბილისობას ყველა თბილისელს, დედაქალაქის სტუმრებსა და მთელ საქართველოს!
ეს თბილისობა განსაკუთრებული და სიხარულით სავსეა ჩემთვის, ვინაიდან ყველაზე დიდი და მნიშვნელოვანი ჯილდოს პატივი მერგო – ამირჩიეს თბილისის საპატიო მოქალაქედ!
დიდი მადლობა ყველას, ვინც ეს გადაწყვეტილება მიიღო – ქალაქ თბილისის მერიას, საკრებულოს, პირადად ბატონ კახის. უღრმესი მადლობა ჩემს სათაყვანებელ თბილისს იმისთვის, რომ მე ამ საოცარი და მსოფლიოში საუკეთესო ქალაქის შვილი ვარ. თბილისელობა თავისთავად არის საპატიო ტიტული, ხოლო საპატიო თბილისელობა – ორმაგი პატივია!
„თბილისო, მზის და ვარდების მხარეო,
უშენოდ სიცოცხლეც არ მინდა…“ – წერს გია ბაღაშვილი ფეისბუქ გვერდზე.
