ბლოგერი გურამ შეროზია სოციალურ ქსელში პოსტს აქვეყნებს და ცხოვრების რთულ პერიოდზე წერს:
,,2014 წელი იყო. პლეხანოვის ბინის სესხი ახალი დაფარული მქონდა, მაგრამ ვხვდებოდი, რომ ვეღარ ვეტეოდი 50 კვადრატში და რაღაც მეტი მინდოდა!
ამ მეტს არავინ ჩამახუტებდა, რადგან არც ფულიანი მამა მყავდა, არც ვინმე ხელის შემწყობი და ვხვდებოდი, რომ ჩემი თავის გარდა ვერაფერი მიშველიდა!
იმედის დილაში დავსაქმდი წამყვანად. დილის 7-ის ნახევარზე უკვე ტვ-ში უნდა ვყოფილიყავი, ანუ 6-ის ნახევარზე ვდგებოდი ათზე მთავრდებოდა გადაცემა და სამსახურში გავრბოდი. მენეჯერული პოზიცია, დიდი პასუხისმგებლობა და სტრესი…
ცოცხალ-მკვდარი ვმუშაობდი 6-მდე, მერე მოვახტებოდი მანქანას და გავრბოდი უნივერსიტეტში (ხშირად ძილიც მომრევია საჭესთან) – 7-დან ათამდე ლექციებს ვატარებდი. შეყვარებული დამშორდა, მაინც ვეღარ გხედავო, ლექციებიდან მოსულიც ვემზადებოდი, სადოქტოროზე ჩასაბარებლად.
ღამე ჭერს მივაშტერდებოდი, სრულიად დაქანცული და ვეღარც ვიძინებდი, მეგონა ამ რეჟიმს ვეღარ გავუძლებდი და ერთხელაც, უკიდეგანოდ დაღლილი – ვეღარ გავიღვიძებდი. ისე შემეცოდა ჩემი თავი, რომ ერთხელ ვიტირე, მივხვდი, რომ ფულის საშოვნ რობოტად ვიქეცი და ამას ცხოვრება აღარ ერქვა.
ახლა გაცილებით ნაკლებ საათს ვმუშაობ, მაგრამ ბევრად უფრო ნაყოფიერად, თან ვცხოვრობ, ოჯახისთვისაც მაქვს დრო, სავარჯიშოდაც, სამოგზაუროდაც და მზად ვარ ყველაფერი სხვებს გავუზიარო.
მოტივაცია და სტრესის მართვა – რაც ძალიან გვჭირდება ყველას. პლუს – ამ კონკურენტულ გარემოში თავის უკეთ წარმოჩენა, როგორც რეალობაში, ასევე სოციალურ ქსელებში. გაყიდვები და მარკეტინგიც ყველაფრის სათავეა.
ოქტომბრიდან წარმატების მარათონის ახალ, 2-თვიან კურსს ვიწყებთ! 1 თვე 47 ლარი – კი, ყველასთვის ხელმისაწვდომი უნდა იყოს და ადამიანებს ჰქონდეთ წვდომა იმაზე, რაც მე ძალიან მაკლდა! აქ ბევრი პოზიტივი, სილაღე და მოტივაციაზე აგებული თამაშები გვექნება, ბევრ ახალ ადამიანსაც გავიცნობთ და ბევრ კარგ რამეს წავიღებთ! ყველაფერი ჩატარდება ონლაინ, ზუმში!
გელოდებით, ცვლილებების დროა, მომწერე პირადში დღესვე, აღარაა დასაკარგი დრო” – წერს გურამ შეროზია