დ.კაკაბაძის სახელობის სახვითი ხელოვნების გალერეა სამწუხარო ინფორმაციას ავრცელებს:
“93 წლის ასაკში გარდაიცვალა ქუთაისელ მხატვართა ღირსეული წარმომადგენელი, სოსო ( მიხეილ) ჩოგოვაძე. ის იყო ხელოვანი, სიყვარულის განცდით, ფერთა მდიდარი პალიტრით და პროფესიული ოსტატობით.
სოსო ჩოგოვაძე დაიბადა 1930 წლის 20 ნოემბერს ქალაქ ქუთაისში. დაამთავრა პირველი სანიმუშო საცდელი სკოლა, თბილისის სახელმწიფო სამხატვრო აკადემიის ფერწერის ფაკულტეტი. 1957 წლიდან მონაწილეობდა ადგილობრივ, რესპუბლიკურ, საკავშირო და საერთაშორისო გამოფენებში. ქონდა რამდენიმე პერსონალური გამოფენა. აღსანიშნავია წლების განმავლობაში ბატონი მიხეილის პედაგოგიური მოღვაწეობა. იყო საკავშირო და საქართველოს მხატვართა ორგანიზაციების წევრი. დაჯილდოვებულია დავით კაკაბაძის სახელობის პრემიით, ღირსების ორდენით.
ღირსეული პიროვნების, ხელოვანის და მოქალაქის გარდაცვალებას ვუსამძიმრებთ ოჯახს”