წაბლი — ფოთოლმცვივან მერქნიან მცენარეთა გვარი წიფლისებრთა ოჯახისა. სახელწოდება ვრცელდება ასევე წაბლის ნაყოფზე, რომელსაც ეს უკანასკნელი გამოიმუშავებს. უმთავრესად გამოიყოფა წაბლის ოთხი ძირითადი სახეობა:ევროპული, ჩინური, იაპონური და ამერიკული წაბლი. გავრცელებულია ჩრდილოეთ ნახევარსფეროს სუბტროპიკულ და ზომიერ სარტყლებში.
ნაყოფი 60 პროცენტამდე სახამებელს, 15 პროცენტამდე შაქრებს, თითქმის 6 პროცენტამდე ცილებს და 2 პროცენტამდე ცხიმებს შეიცავს. მეტად ყუათიანია და კარგი გემოთიც გამოირჩევა, განსაკუთრებით მოხარშულ ან შემწვარ მდგომარეობაში.
წაბლი კარგია დიაბეტის პრევენციისა და მართვისთვის
წაბლი შეიცავს მაგნიუმს, რომელიც მნიშვნელოვან როლს ასრულებს ინსულინის გამოყოფაში. ინსულინის ნაკლებობა კი ზრდის ინსულინრეზისტენტობისა და ჰიპერგლიკემიის ალბათობას. წაბლში შემავალი სპილენძი დაგეხმარებათ დიაბეტის მართვასა და პროფილაქტიკაში, რადგან, როგორც კვლევებმა აჩვენა, ამ ელემენტის ნაკლებობა იწვევს ინსულინის გამოყოფის შემცირებას, გლუკოიზის აუტანლობას.
წაბლი კარგია წონის კლებისთვის
სხვა თხილეულისგან განსხვავებით, წაბლი ცხიმებისა და კალორიების დაბალი შემცველობით გამოირჩევა. სამაგიეროდ შეიცავს რთულ ნახშირწყლებს, რაც ეფექტურია წონის კლებისა და წონის მართვის პროცესისთვის. დიეტური ბოჭკოები, რომლებსაც დიდი რაოდენობით შეიცავს წაბლი, წონის კლების მნიშვნელოვანი კომპონენტია.
- წაბლის დიდი რაოდენობით მიღებამ, შესაძლოა, გამოიწვიოს თითების კრუნჩხვები. ასევე არ შეიძლება წაბლის ჭამა, თუ ადამიანს აქვს ატონიური შეკრულობა, გასტრიტები, სისხლის ცუდი შედედება, თრომბოციტოპენია, ღვიძლისა და თირკმელები დაავადებები. ასევე, უკუნაჩვენებია მისი მიღება მენსტრუალური ციკლის დარღვევებისას, არასასურველია წაბლის მიცემა ბავშვებისთვის, რადგან მან, შესაძლოა, ალერგიული რეაქციების პროვოცირება გამოიწვიოს.