კანზე მეჭეჭის ქონა ძალიან ხშირია და გარდა იმისა, რომ ისინი თქვენს გარეგნობაზე მოქმედებს, ძალიან საშიში და ბაქტერიებით სავსეცაა. რამდენიმე მარტივი წესის დაცვითა და კანზე ზრუნვით შესაძლებელია თავიდან აირიდოთ მათი გამრავლება.
არ გამოიყენოთ სხვისი პირსახოცი. როგორც აღვნიშნეთ, მეჭეჭების გავრცელებას ბაქტერიების გავრცელება უწყობს ხელს, სხვისი ხელსახოცისა თუ პირსახოცის გამოყენებით კი ამ რისკს ერთიორად ზრდით.
ხშირად წაისვით კანის დამატენიანებლები. რბილი და დატენიანებული სახის კანი არ აძლევს საშუალებას მეჭეჭებს, თქვენს სხეულზე დაიდოს ადგილი.
გადაეჩვიეთ ფრჩხილების მოკვნეტას. ფრჩხილების ჭამა უამრავი ადამიანის დიდ პრობლემას წარმოადგენს, ამ მავნე ჩვევისგან თავის დაღწევა საკმაოდ რთულია. გარდა იმისა, რომ ამ გზით საკუთარ ფრჩხილებს ვნებთ, ფრჩხილების კვნეტა იწვევს პატარა, ცარიელ ადგილებს თქვენს კანზე, რომლებიც შესაძლოა ვერც კი შენიშნოთ, თუმცა ბაქტერიების გამრავლების ადგილად იქცეს.
დარწმუნდით, რომ ატარებთ ფეხსაცმელს აუზზე ან მსგავს ადგილებში. მიუხედავად იმისა, რომ ცივ და გრილ ადგილას ფეხსაცმლის გარეშე სიარული ხშირად უფრო სასიამოვნო პროცესია, ნესტიანი გარემო საუკეთესო პირობაა ბაქტერიების გასავრცელებლად. სველი და დასუსტებული ფეხის კანი კი ამ ბაქტერიებს მალევე ითვისებს და მეჭეჭების გაჩენას იწვევს.
შეიხვიეთ დაზიანებული ან გაჭრილი ადგილები. მეჭეჭები ყველაზე ხშირად რეცხვის პროცესში ჩნდება, რადგან გაჭრილ კანში ბაქტერიები ვრცელდება და მეჭეჭის ზრდას იწვევს. ეცადეთ, ყოველთვის დაიფაროთ მსგავსი ნაკაწრები მათ მოშუშებამდე.
არ შეეხოთ მეჭეჭს პარსვის დროს. გაპარსვა ყველაზე სწრაფი საშუალებაა არასასიამოვნო თმის მოსაშორებლად, თუმცა, თუ თქვენს კანზე მეჭეჭს შეამჩნევთ, უმჯობესია, თმის მოსაშორებლად სხვა გზა იპოვოთ.
იცით რაიმე უფრო მარტივი და სასარგებლო გზა მეჭეჭების მოსაშორებლად?
წყარო:მარაო