ბევრ მშობელს არ ესმის განსხვავება სტრესსა და შფოთვას შორის მოზრდილებში, რომ აღარაფერი ვთქვათ ბავშვებში. ბავშვებს შეიძლება გაუჭირდეთ თავიანთი გრძნობების გამოხატვა, ამიტომ მნიშვნელოვანია თვალი ადევნოთ იმ მინიშნებებს, რომლებსაც ისინი გაძლევენ. სტრესი ცხოვრების ნაწილია, მაგრამ გრძელვადიანი შფოთვითი აშლილობა უფრო მეტს მოიცავს, ვიდრე დროებითი შეშფოთება. ჩვენ გეტყვით 5 ძირითად განსხვავებას სტრესსა და შფოთვას შორის.
სტრესი ჩვეულებრივ დროებითია, ხოლო შფოთვა ხანგრძლივი
მათ შორის განსხვავება ის არის, რომ სტრესი შეიძლება მიემართებოდეს კონკრეტულ ფაქტორს, ხოლო შფოთვა არის გრძელვადიანი უხერხულობა, რომელიც შეიძლება იგრძნოთ სტრესის გაქრობის შემდეგაც კი.
სტრესი ბუნებრივი რეაქციაა
როდესაც ადამიანი სტრესულ მდგომარეობაშია, ის რეაგირებს მეტი ადრენალინის გამოყოფით, რაც იწვევს გულისცემის და არტერიული წნევის მატებას. ხოლო ხანგრძლივმა შფოთვამ შეიძლება გამოიწვიოს ტკივილი და დაღლილობა.
სტრესი ჩვეულებრივ გამოწვეულია კონკრეტული პრობლემით, შფოთვას კი არ სჭირდება კონკრეტული მიზეზები
მარტივად რომ ვთქვათ, სტრესი, როგორც წესი, გამოწვეულია რაღაცით, რომელსაც აქვს კონკრეტული დასაწყისი და დასასრული და სტრესის მქონე ბავშვები ხშირად თავს უკეთესად გრძნობენ სიტუაციის დასრულების შემდეგ. თუმცა ზოგჯერ ბავშვი ან მოზარდი კონკრეტული მიზეზის გარეშე შესაძლოა იყოს უხასიათოდ სტრესული მოვლენების შემდეგაც კი. მათ შესაძლოა ვერ შეძლონ მიზეზის დადგენა და ცუდ მდგომარეობაში აღმოჩნდნენ.
არსებობს მრავალი სახის შფოთვითი აშლილობა და ყველა მათგანს განსხვავებული სიმპტომი აქვს
ამერიკის შფოთვისა და დეპრესიის ასოციაციის (ADAA) მონაცემებით, ყოველი რვა ბავშვი დაავადებულია შფოთვითი აშლილობით. ბავშვთა შფოთვითი აშლილობები, რომელთა შესახებაც მშობლებმა უნდა იცოდნენ, მოიცავს გენერალიზებულ შფოთვით აშლილობას, პანიკურ შეტევებს, განშორების შფოთვით აშლილობას, სოციალურ შფოთვით აშლილობას, სპეციფიკურ ფობიებს და სხვა.
შფოთვითი აშლილობის მქონე ბავშვები თავს ნაკლებად აკონტროლებენ
შფოთვითი აშლილობის მქონე ბავშვებს აქვთ მუდმივი შეშფოთება სხვადასხვა საკითხზე და,” ADAA”-ს თანახმად, ხშირად უმიზეზოდ ელიან ყველაზე ცუდ შედეგს. სტრესისგან განსხვავებით, სადაც ბავშვებმა იციან მათი შეშფოთების მიზეზი და შეუძლიათ იმუშაონ ამ პრობლემის გადასაჭრელად, შფოთვითი აშლილობის მქონე ბავშვებს უჭირთ აკონტროლონ თავიანთი შფოთვა დიდი ხნის განმავლობაში.