განაახლებენ თუ არა სწავლას უნივერსიტეტებში ის სტუდენტები, რომლის დავალიანების განულება პრემიერმა ფრენების სკანდალის შემდეგ დააანონსა? ირკვევა, რომ პრობლემა ამ გადაწყვეტილებით სრულად მაინც არ გვარდება. წინა წლების დავალიანება მართალია სტუდენტებს აღარ ექნებათ, თუმცა სტატუსის აღდგენისთვის საჭიროა, მიმდინარე წლის გადასახადი მთლიანად დაფარონ.
ჩნდება კითხვა, ახალგაზრდას, რომელმაც სწავლას თავი იძულებით სოციალური მდგომარეობის გამო დაანება, საიდან შეძლებს ახლა ასობით ლარის გადახდას. განათლების მინისტრი დღეს თავის მართლების რეჟიმში იყო, კითხვების ნაწილს უპასუხა, თუმცა არასასურველ კითხვებზე თავის არიდებას ჟურნალისტებზე თავდასხმით შეეცადა.