თმის ცვენა (ალოპეცია) დღეს აქტუალური საკითხია კაცებში, ქალებში და ასევე ბავშვებში. თმის ცვენა შესაძლოა იყოს განპირობებული: გენეტიკური წინასწარგანწყობით, ჰორმონალური დისბალანსით , სამედიცინო წამლების მოხმარების გვერდით ეფექტით, ასაკით, სტრესით, სხვადასხვა დაავადებით, თმის არასწორი მოვლით, რადიაციით და სხვა ფაქტორებით.
ანდროგენული სიმელოტე ტიპიურად იწყება სკალპიდან. ბევრისთვის ეს პროცესი შეუმჩნევლად მიმდინარეობს, მათ ყურადღებას არ იპყრობს და ხშირად მეოთხე ხარისხის ალოპეციამდე მამაკაცებისთვის შეუმჩნეველი რჩება. ხშირად კი არსებული პრობლემა თმის ცვენის დაწყების მომენტიდან თვალსაჩინოა და თავიდანვე აქტიურად ერთვება დიაგნოსიტრებასა და მკურნალობაში.
თმის ცვენის მკურნალობა დამოკიდებულია პირველ რიგში გამომწვევ მიზეზზე და არსებულ მდოგმარეობაზე. ამიტომ თანამედროვე მედიცინა გვაძლევს ეფექტური მკურნალობის საშუალებას მრავალი ტიპის შემთხვევისთვის. მკურნალობით შეიძლება დავიბრუნოთ დაკარგული საფარველი, ან უბრალოდ შეწყდეს პროცესი. თმის ცვენის მკურნალობა შეიძლება იყოს მედიკამენტოზური ან ოპერაციული.
შემოდგომა ბევრი ადამიანისთვის სეზონურ თმის ცვენასთან ასოცირდება. ეს გამოწვეულია თმის ბუნებრივი ციკლით, რომლის დროსაც თმის ზრდისა და დასვენების პერიოდები ერთმანეთს ენაცვლება. როგორც წესი, თმის ციკლის ზრდის ფაზაში წარმოიქმნება ახალი თმა.
სეზონური თმის ცვენის თავიდან ასაცილებლად, ყოველთვის იზრუნეთ თმისა და სკალპის, რაც შეიძლება, ჯანსაღად შენარჩუნებაზე. უფრო კონკრეტულად კი:
- გამოიყენეთ თმის მოვლის პროდუქტები – ეცადეთ, ხშირად დაიტენიანოთ სკალპი, რადგან მშრალი სკალპი ხშირად ანთებისა და თმის ცვენის გამომწვევი მიზეზი ხდება ხოლმე. ასევე, ღრმა კონდიცირების ნიღბის გამოყენება კვირაში ერთხელ საკმაოდ მნიშვნელოვანია.
- აირიდეთ თმისთვის საზიანო ვარცხნილობები – დაჭიმულ და აქაჩულ ვარცხნილობებს შეუძლია თმის ცვენა გამოიწვიოს/ხელი შეუწყოს.
- მიიღეთ ვიტამინები – შესაძლოა, სეზონურ თმის ცვენას ვიტამინის დეფიციტიც დაემთხვეს. გარკვეულმა ვიტამინებმა და მინერალებმა (A, B, C, D, E, თუთია და რკინა) შეიძლება, გავლენა იქონიოს თმის ზრდაზე.
- გამოიყენეთ ნატურალური ბოჭკოებისგან დამზადებული რბილი სავარცხელი – რბილი სავარცხელის გამოყენებამ შეიძლება, გაზარდოს ცხიმის საჭირო დონე თქვენს თმაზე, რაც თმის გაჯანსაღებას გამოიწვევს.
- ნუ გამოიყენებთ ქიმიურ საშუალებებს თმისთვის – თუ გაწუხებთ თმის ცვენა, შეზღუდეთ საღებავების, პეროქსიდის სამკურნალო საშუალებებისა და სხვა ქიმიური ნივთიერებების გამოყენება.
წყარო:მარაო