სოციალურ ქსელში გავრცელდა ინფორმაცია, რომ რუსთავში საფლავები გაძარცვეს. “ინფო რუსთავმა” ინფორმაცია ადგილზე გადაამოწმა, ე.წ ძველ სასაფლაოზე რამდენიმე საფლავი, მართლაც ჯაჭვების გარეშე არის დარჩენილი.
“თუ ვინმეს ხიდის დაბლა ლიანდაგებთან ახლოს გაქვთ ახლობლის საფლავები მიაკითხეთ. ყველა გაძარცვულია და დახსნილი აქვს რკინები, ჯაჭვები” – წერს სოციალური ქსელის მომხმარებელი.
ფაქტის შესახებ ცნობილი გახდა პოლიციისთვის. ჩატარებული ოპერატიული ღონისძიებების შედეგად სამართალდამცავებმა 60 წლამდე მამაკაცი ბრალდებულის სახით დააკავეს.
არსებული ინფორმაციით კაცმა დანაშაული აღიარა.
წყარო:ინფორუსთავი