როგორი ამინდი იქნება მიმდინარე კვირაში – რას ამბობს მეტეოროლოგი

ცნობილი მეტეოროლოგი კობა ფარტენაძე სოციალურ ქსელში მიმდინარე კვირაში მოსალოდნელ ამინდთან დაკავშირებით ინფორმაციას აქვეყნებს:

“ღამით გრილი და მოწმენდილი ცა გვაქვს, დღეები მზიანი და თბილია, ქარი სუსტია… ყველაფერი ხელს გვიწყობს მაქსიმალურად შევიგრძნოთ სექტემბრის ბედნიერება!
როგორია პროგნოზი?
ანტიციკლონი, რომელიც გავლენას მთელი ქვეყნის ტერიტორიაზე ახდენს, მომდევნო დღეებში უფრო გაძლიერდება და მზიან დღეებთან ერთად ტემპერატურა კიდევ უფრო მოიმატებს.
მიმდინარე კვირაში, სანაპირო კურორტებზე +27, +29, დასავლეთ საქართველოში +28, +30, აღმოსავლეთ საქართველოში +25, +27 გრადუსამდე დათბება.
დასავლეთის დაბლობზე პერიოდულად იქროლებს აღმოსავლეთის თბილი ფიონი 17-22 მეტრი წამში, რაც ხელს უწყობს კიდევ უფრო დათბობას, ასევე ტენიანობის შემცირებას.
ასე, რომ ისიამოვნეთ – ჰაერის ტემპერატურა ზაფხულის ნიშნულს დაუბრუნდება, კვირის მეორე ნახევარში თერმომეტრებზე ჩვენს ქალაქებში +30 გრადუსი გამოჩნდება, ატმოსფერული წნევა მაღალი დარჩება, ზღვის წყლის ტემპერატურა კი 26 გრადუსი იქნება.
დატკბით და იბედნიერეთ! ❤
მეტეოროლოგი – კობა ფარტენაძე”