კინეტოზი ანუ ზღვის დაავადება ასოცირდება მოძრაობის შესახებ გრძნობის სხვადასხვა ორგანოებიდან მომდინარე ინფორმაციის დისბალანსთან.
მაგალითად, თვალებს შეუძლიათ ტრანსპორტის სტატიკური ინტერიერის დანახვა, ხოლო ვესტიბულურ აპარატს და წონასწორობის რეცეპტორებს შეუძლიათ მოძრაობის შეგრძნება. გრძნობის სხვადასხვა ორგანოებს შორის ინფორმაციის ამ კონფლიქტმა შეიძლება გამოიწვიოს ზღვის ავადმყოფობა.
ზოგიერთ ადამიანს ზღვის დაავადება აწუხებს ისეთ სატრანსპორტო საშუალებებში, როგორიცაა მანქანები, თვითმფრინავები, გემები ან მატარებლები, ზოგს კი მგზავრობისას პრობლემა არ აქვს. ექიმები გვირჩევენ უამრავ მედიკამენტოზურ და არამედიკამენტოზურ ვარიანტს, ამ მდგომარეობის ეფექტურად და უსაფრთხოდ მართვისთვის.
პირველ რიგში, მნიშვნელოვანია გავითვალისწინოთ ტრანსპორტის დროს ზღვის დაავადების მიზეზები. ამ მდგომარეობის გამომწვევი ძირითადი ფაქტორებია სხეულის პოზიციის ცვლილება, მოძრაობა და თვალის კონტაქტი მიმდებარე ობიექტებთან, რომლებიც ერთმანეთთან არ არის კოორდინირებული.
მთავარი აღმგზნები ფაქტორია ვიზუალური სისტემა, რომელიც გვატყობინებს მოძრაობისა და მიმართულების შესახებ. თუ ის და ვესტიბულური სენსორული სისტემა, რომელიც მდებარეობს შიდა ყურში (პასუხისმგებელია სივრცეში სხეულის პოზიციისა და მოძრაობის ბალანსზე და რეგულირებაზე) არ არის კოორდინირებული, აღინიშნება ზღვის დაავადება.
როგორ ავიცილოთ თავიდან ზღვის დაავადება?
სამედიცინო მეთოდები:
დიმენჰიდრინატი – ბლოკავს ტვინში ქიმიკატების მოქმედებას, რომლებიც პასუხისმგებელნი არიან გულისრევისა და ღებინების გამოწვევაზე.
ამ პრეპარატს აქვს სედატიური და დამამშვიდებელი მოქმედება ცენტრალურ ნერვულ სისტემაზე, ამცირებს ზღვის ავადმყოფობაზე პასუხისმგებელი სენსორული სტრუქტურების აგზნებადობას. ამ პრეპარატს შეუძლია გამოიწვიონ სედაცია და სიფრთხილეა საჭირო მანქანის მართვისას.
არამედიკამენტური მეთოდები:
• შეეცადეთ დაჯდეთ სატრანსპორტო საშუალების წინა ნაწილში, სადაც ნაკლები მოძრაობა და ვიბრაციაა.
• დაჯექით ტრანსპორტში მგზავრობის მიმართულებით.
• შეხედეთ მხოლოდ ჰორიზონტს ან შორს არსებულ ფიქსირებულ ობიექტებს.
• მოგზაურობისას მთავი შეიკავეთ კითხვის, მობილური ტელეფონის გამოყენების ან ფილმების ყურებისაგან.
• მოგზაურობის წინ ეცადეთ მიირთვათ მსუბუქი საკვები, არ დალიოთ ალკოჰოლი მოგზაურობის წინა ღამეს და მოგზაურობის დღეს.
ხალხური მეთოდები:
• ჯანჯაფილის მირთმევა მოგზაურობამდე რამდენიმე საათით ადრე დაგეხმარებათ გულისრევის დროს
• პიტნის საწუწნი ტაბლეტები
მნიშვნელოვანია გვახსოვდეს, რომ სხვადასხვა მეთოდების ეფექტურობა შეიძლება განსხვავდებოდეს ინდივიდუალური მახასიათებლების მიხედვით.
წყარო:მკურნალი