ასტროლოგები მიმდინარე კვირისთვის ასახელებენ, რომელი დღეები იქნება ყველაზე წარმატებული და გამორჩეული და როდის ჯობს, შედარებით ფრთხილად ვიყოთ:
18 სექტემბერი
ამ დღე მნიშვნელოვანია, რომ წარსულის მოვლენები კიდევ ერთხელ შეაფასოთ და შედეგზე დაფიქრდეთ. შესაძლოა, დღეს წარსულში დატოვებულმა ურთიერთობებმა, ფაქტებმა თავი შეგახსენოთ და ამის გამო მომატებული ემოციურობა იგრძნოთ, გაგიჩნდეთ სინანულისა და დანაშაულის განცდა. მაგრამ, მიუხედავად იმისა, რომ კვირები კვირებს მისდევს, თვეები კი – თვეებს, იამაყეთ საკუთარი თავით. ყველა შეცდომამ გაგაძლიერათ და კარგმა ამბებმაც მოგცათ მოტივაცია, რომ განვითარება გაგეგრძელებინათ. მნიშვნელოვანია, დღეს კიდევ ერთხელ გადაუხადოთ თქვენს თავს მადლობა ყველაფრისთვის. განმარტოვდით, გააკეთეთ საყვარელი საქმე და ეს სამომავლო წარმატებისთვის კიდევ უფრო მეტ მოტივაციას მოგცემთ.
19 სექტემბერი
ამ დღეს შესაძლოა, მოულოდნელად აღმოაჩინოთ, რომ იმის გაკეთება, რაც ადრე წარმოუდგენლად და ძალიან რთულად გეჩვენებოდათ, მარტივად გამოგდით. საკუთარ შესაძლებლობებში დარწმუნდებით და ნახავთ იმასაც, რომ ხანდახან ბევრი რამ, რაც შეუძლებელი გვეჩვენება, სულაც არ არის ასეთი რთული.
20 სექტემბერი
წინა დღის ენერგია ამ დღესაც გაგრძელდება და კიდევ უფრო მეტად მოიმატებს. გაგიჩნდებათ განცდა, რომ შეგიძლიათ, მთები გადადგათ და წარმოუდგენელი რაღაცები გააკეთოთ. გამოიყენეთ ეს აქტიური პერიოდი. მიუბრუნდით შუა გზაზე გაჩერებულ საქმეებს, დაიწყეთ ახალი პროექტები, წარმატების გაცილებით მეტი შანსი გექნებათ.
21 სექტემბერი
ამ დღეს ინტუიცია განსაკუთრებით აქტიურია, ამიტომაც კარგად მოუსმინეთ საკუთარ შინაგან ხმას და გააკეთეთ ის, რასაც გონება გიკარნახებთ. შესაძლოა, ძალიან მნიშვნელოვანი მინიშნება მიიღოთ.
22 სექტემბერი
ეს დღე რთული კომუნიკაციით ხასიათდება. ამიტომაც, ასტროლოგები გირჩევენ, რომ თუ შესაძლებელია, გადადოთ მნიშვნელოვანი მოლაპარაკებები, საბუთებისა და დოკუმენტების გაფორმება. არ წამოიწყოთ კამათი, რადგანაც შესაძლოა, მცირე შელაპარაკებაც კი დიდ კონფლიქტში გადაიზარდოს.
23 სექტემბერი
23 სექტემბერს შემოდგომის ბუნიობაა. ამ დღეს განსაკუთრებული ენერგია აქვს. ამიტომ, იფიქრეთ პოზიტიურად, შეიქმენით კარგი განწყობა, გააკეთეთ ის, რაც ძალიან გიყვართ, იფიქრეთ სამომავლო გეგმებზე, დაიწყეთ რაიმეს განხორციელება და სამყარო დაგეხმარებათ, რომ სასურველი შედეგი მიიღოთ.
24 სექტემბერი
დღე საყვარელ ადამიანებს, ახლობლებს, მეგობრებს დაუთმეთ, დაგეგმეთ შეკრება, ბედნიერ მოგონებებზე საუბარი. ეს ემოციები სასიამოვნო განწყობას შეგიქმნით და მომდევნო კვირისთვის საოცარი ენერგიით დაგმუხტავთ.
