ჩვენი ჯანმრთელობა და დღეგრძელობა დიდწილად დამოკიდებულია ჩვენს ცხოვრების წესზე. მაგრამ ჯანსაღი ცხოვრების ზოგიერთი წესი ზოგჯერ უნდა დაირღვეს.
საუზმეზე მიირთვით შვრიის ფაფა – მთლიანი მარცვლეულისგან მოხარშული შვრიის ფაფა, კენკრის, თხილისა და ჩირის დამატებით – რა შეიძლება იყოს უფრო გემრიელი და ჯანსაღი? პრაქტიკულად არაფერი – ოღონდ იმ პირობით, რომ ყოველ დილით საუზმეზე არ მიირთვათ. ფაქტია, რომ შვრია შეიცავს ფიტატებს, რომლებიც ხელს უშლიან კალციუმის შეწოვას და ეს შეიძლება განსაკუთრებით საშიში იყოს 40 წლის შემდეგ, როდესაც არ ვიღებთ საკმარისი რაოდენობით ამ მნიშვნელოვან მიკროელემენტს. ასე რომ, შვრიის ფაფა – კვირაში ორ-სამჯერ და აუცილებლად მეტი რძის პროდუქტი!
ბევრი ახალი ბოსტნეული – ყველას სმენია ახალი ბოსტნეულის სარგებლობისა და ჯანმრთელობის საჭიროებების შესახებ. მაგრამ, უხეში ბოჭკოების ზედმეტმა რაოდენობამ შეიძლება გამოიწვიოს ნაწლავის გაღიზიანება და შებერილობა. და ასევე – ბევრი ვიტამინი და მიკროელემენტი, რომლითაც მდიდარია ბოსტნეული, უკეთესად შეიწოვება დამუშავებული სახით. ამიტომ არ დაივიწყოთ მოხარშული, ორთქლზე მოხარშული და გამომცხვარი ბოსტნეული.
ჭამეთ ნაკლები ტკბილეული – მეცნიერები სულ უფრო მეტად მიდრეკილნი არიან დასკვნისკენ, რომ შაქრის უარყოფითი გავლენა სისხლძარღვების, გულისა და ენდოკრინული სისტემის ჯანმრთელობაზე, პირველ რიგში, დაკავშირებულია ამ პროდუქტის რაოდენობასთან. თუ ჩვენ ვჭამთ იმაზე მეტს, ვიდრე ვხარჯავთ, ჩვენი ჯანმრთელობა ზარალდება. მაგრამ თუ ბალანსს შეინარჩუნებთ, შაქარი გახდება ის, რაც უნდა იყოს: ენერგიის ყველაზე შესაფერისი წყარო მთელი ორგანიზმისთვის და, პირველ რიგში, ჩვენი ტვინისთვის. ამიტომ, ხანდახან უარი არ უნდა თქვათ შოკოლადის ფილაზე ან ტორტზე.
წყარო:მკურნალი
