ჟურნალისტი მერაბ მეტრეველი სოციალურ ქსელში სტატუსს აქვეყნებს:
„ძალიან მეცინება ხელისუფლების მომხრეები,თუ დაქირავებული მპოსტავები ღარიბაშვილს მადლობებს რომ უხდიან სტუდენტების დავალიანების ჩამოწერის გამო და თან სხვებსაც ანამუსებენ, ნუ იქნებით უმადურები, დაინახეთ სიკეთეო.
კიდევ ერთხელ აგიხსნით მარტივ ჭეშმარიტებას:
მთავრობას იმის გამო, რომ ბიუჯეტის ფული კეთილ საქმეს მოახმარა, მადლობა არ უნდა გადაუხადოთ ,ხოლო თუ ეს ფული უკეთურ საქმეს მოახმარა, მაშინ უნდა აგინოთ.
იკითხავთ, თუ ერთ შემთხვევაში უნდა ვაგონო, მეორე შემთხვევაში მადლობა რატომ არ უნდა გადავუხადოო?
იმიტომ რომ მთავრობას იმაში, რომ ბიუჯეტი სწორად და კეთილგონივრულად განკარგოს, თქვენ ხელფასს უხდით. ანუ დასახარჯავ ფულს ხომ თქვენვე აძლევთ, გადასახადების სახით და პლუს ზემოდან ხელფასს უხდით, რომ ეს ფული სწორად დახარჯოს.
ამიტომ მადლობა აქ სრულიად ზედემტია. იკმარონ მაღალი ხელფასები და პრივილეგიები ,რომლებიც თქვენ მათ ამ საქმიანობის განსახორციელბლად მიანიჭეთ და ისინიც, რომლებიც თქვენ არ მიანიჭეთ, მაგრამ მაინც სარგებლობენ.
მადლობა არა, იხვის ტოლმა! “ – წერს მერაბ მეტრეველი.
ცნობისთვის, პრემიერ-მინისტრ ირაკლი ღარიბაშვილის თქმით, ფინანსური დავალიანების გამო ამ დროისათვის სტატუსი შეჩერებული აქვს 30 ათასამდე სტუდენტს. როგორც ის აცხადებს, ყველა ამ სტუდენტს დავალიანებას გაუნულებენ. როგორც პრემიერმა აღნიშნა, ვალის ჯამური ოდენობა 40 მილიონ ლარს აღწევს. შესაბამისად, დავალიანების ჩამოწერის შემდეგ, სტუდენტები სწავლის გაგრძელებას შეძლებენ.
