კიტრის, ლიმონის, პიტნისა კოქტეილი – ნახეთ რა სარგებელი მოაქვს სახლში მომზადებულ სასმელებს თქვენი ორგანიზმისთვის

ხშირ შემთხვევაში ცხიმი მთელ სხეულზე არ ნაწილდება და ძირითადად, სხეულის რომელიმე კონკრეტულ მონაკვეთზე გროვდება, მაგალითად: მუცელზე, საჯდომზე, გვერდებზე და ასე შემდეგ. თუ გადახვალთ სწორ კვებაზე, დაიწყებთ ვარჯიშს და ამას ცხიმის დამწველ კოქტეილებსაც შეაშველებთ, მაშინ შედეგი გარანტირებული გექნებათ. ასეთ კოქტეილებს კი სახლის პირობებშიც მარტივად მოამზადებთ. შემოგთავაზებთ რეცეპტებს:

* კიტრის, ლიმონის, პიტნისა და იმბირის კოქტეილი – აწყნარებს კუჭ-ნაწლავის სისტემას, გამოაქვს ზედმეტი სითხე, აჩქარებს მეტაბოლიზმს. 2 ლიტრი სუფთა წყალი, 1 ჩაის კოვზი გახეხილი იმბირი, 1 ცალი გათლილი და მრგვლად დაჭრილი კიტრი, 1 წვრილად დაჭრილი ლიმონი, 10 ფოთოლი პიტნა აურიეთ ერთმანეთში, დასხით წყალი და შეინახეთ მაცივარში მთელი ღამის განმავლობაში. ეს რაოდენობა ერთი დღე-ღამის განმავლობაში უნდა მიიღოთ;

* პომიდვრის, ტომატის, ნიახურის, კომბოსტოსა და წიწაკის კოქტეილი – მათი ნაზავი, შესანიშნავად წვავს ცხიმებს. აიღეთ 1 თავი კომბოსტო, 2 ცალი გრძელი ტკბილი წიწაკა, 4 ცალი პომიდორი, 100 გრამი ნიახური და 500 მილილიტრი ტომატი. ბოსტნეული წვრილად დაჭერით და დაასხით ტომატის წვენი. გააცხელეთ, მიიყვანეთ დუღილამდე და გადმოდგით. შეინახეთ მაცივარში. მიირთვით ცივი, ნებისმიერი რაოდენობით;

* ლიმონის, კივისა და პიტნის კოქტეილი – აჩქარებს მეტაბოილიზმს. 1 ცალი კივი, ლიმონის 1 ნაჭერი, 7 ფოთოლი პიტნა და 100 მილილიტრი წყალი დააბლენდერეთ და დაუმატეთ 1 სადილის კოვზი თაფლი;

* ანანასის, გრეიპფრუტის, კეფირის, გოგრის თესლისა და ქოქოსის კოქტეილი – 4 ნაჭერი ანანასი, მეოთხედი გრეიპფრუტი, 250 მილილიტრი კეფირი, 30 გრამი გოგრის თესლი, 30 გრამი ქოქოსის კარაქი ან ზეთი დააბლენდერეთ და მიირთვით;

* კეფირის, წიწაკის, დარიჩინისა და იმბირის კოქტეილი – 250 მილილიტრი კეფირი, ნახევარი ჩაის კოვზი წითელი წიწაკა, ნახევარ-ნახევარი ჩაის კოვზი დარიჩინი და იმბირი კარგად დააბლენდერეთ და მაშინვე დალიეთ, უმჯობესია, ძილის წინ;

* თაფლის, ვაშლის ძმრისა და დარიჩინის ტკბილი კოქტეილი – 250 მილილიტრი წყალი, 1 ჩაის კოვზი თაფლი, 1 ჩაის კოვზი ვაშლის ძმარი, ერთი დარიჩინის ჩხირი კარგად დააბლენდერეთ და მიიღეთ დილით. ის მოგცემთ ენერგიას და კარგ განწყობაზეც დაგაყენებთ.

ეს კოქტეილები შეგიძლიათ, გამოიყენოთ შიმშილის დროს, როგორც საკვები. მიიღებთ ვიტამინებს და ზედმეტი კალორიებითაც არ დაიტვირთებით.

ეფექტი რომ გააძლიეროთ, ყოველდღიურ საკვებ რაციონში შეიტანეთ წვნიანი, სანელებლები, თხილეული, მწვანილი, იოგურტი, კეფირი, რძე, იმბირი, სელის თესლი, სტაფილო, კიტრი, წიწაკა, ისპანახი, სალათის ფურცელი. ამასთან ერთად, თუ თქვენ ივარჯიშებთ, შედეგს ძალიან მალე შეამჩნევთ – თქვენი სხეულიდან ცხიმი ნელ-ნელა გაქრება და სასურველ ფორმაშიც მალე ჩადგებით.

წყარო:თბილისელები