ახლახანს უზენაესი საბჭოს დეპუტატი, საქართველოს დამოუკიდებლობის აქტზე ხელმომწერი ვლადიმერ მირცხულავა გარდაიცვალა. სამწუხარო ინფორმაცია სოციალურ ქსელში ვრცელდება.
“წუხელ გვიან ღამით გარდაიცვალა საქართველოს უზენაესი საბჭოს დეპუტატი, საქართველოს დამოუკიდებლობის აქტზე ხელმომწერი, სამშობლოს პატრიოტი და ერის ერთგული პიროვნება, სოხუმელი ბატონი ვლადიმერ მირცხულავა. ვუსამძიმრებ და თანავუგრძნობ ოჯახს” – წერია პოსტში.
მან დაამთავრა აფხაზეთის სახელმწიფო უნივერსიტეტი. 1964 წლიდან იყო ხობის რაიონის სოფელ პირველი ხორგის კოლმეურნეობის წევრი, 1966-1971 წლებში იყო სოხუმის მაქსიმ გორკის სახელობის პედაგოგიური ინსტიტუტის სტუდენტი. 1971 წლიდან სხვადასხვა სამშენებლო ორგანიზაციათა მუშაკი, მოძრავ-მექანიზებული კოლონა „აფხაზნაპირგამაგრების“ განყოფილების უფროსი. 1990-1991 წლებში იყო საქართველოს რესპუბლიკის უზენაესი საბჭოს წევრი, ხელი აქვს მოწერილი საქართველოს სახელმწიფოებრივი დამოუკიდებლობის აღდგენის აქტზე (1991 წლის 9 აპრილი).
