მშობლები ყოველთვის მაქსიმალურად ცდილობენ, შეარჩიონ ხარისხიანი და სასარგებლო, როდესაც საქმე საკუთარი პატარების კვებას ეხება. მათ წინაშე ორნაირი პროდუქტია – ერთი, რომელიც ქიმიური დანამატებითაა გაჯერებული და მეორე – რომელიც აბსოლუტურად ჯანსაღი და მარგებელია.
“ჩარო” საკუთარ მომხმარებელს საინტერესო პროდუქტს სთავაზობს – ტკბილეული, რომელიც ჟელიბონის ქართული, ჯანსაღი ალტერნატივაა. რა თვისებებს შეიცავს ის, რით განსხვავდება სხვა ნუგბარისგან და რას უწყობს აღნიშნული პროდუქტი ხელს – “თბილისი თაიმსს” ელენა ჯიშიაშვილი ესაუბრა.
“ჩარო” პირველმა მომხმარებლებმა ორი წლის წინ დააგემოვნეს. თუმცა, ის რამდენიმე წლის წინ შევქმენით. შემდეგ დავხვეწეთ და პატენტი ავიღეთ. ის არის ჯანსაღი და აუთენტური ტკბილეულობა, თათარის თანამედროვე და ინოვაციური მიწოდება. შემადგენლობის ძირითადი ინგრედიენტი ბადაგია. ვიყენებთ სხვადასხვა ყურძნის წვენებს. “ჩარო” ნამდვილად ყველასთვის შეიძლება, იყოს რეკომენდებული. ყურძნის წვენის სარგებლობის შესახებ ყველამ ვიცით და კიდევ კენკრეულს რომ დავამატებთ და თხილეულს – მით უფრო. ბევრ ენერგიას აძლევს ადამიანს და არ მოაქვს ჭარბი წონის საშიშროება”, – განმარტავს ელენა.
რესპონდენტი ხაზს უსვამს, თუ რა უპირატესობებით გამოირჩევა “ჩარო”.
“ჩარო” არ შეიცავს შაქრის დანამატს, შაქრის შემცვლელების დანამატს, საღებავებს, არომატიზატორებს და სახამებელს. არომატულ და გემრიელ წვენებს კიდევ უფრო ვამდიდრებთ მრავალნაირი კენკრით, ციტრუსებით და თხილეულით.
ასევე, რასაც დიდ მნიშვნელობას ვანიჭებთ, ძალიან კომფორტული და ესთეტიკური მისართმევია”, – ამბობს ელენა და აღნიშნავს, კიდევ რა პროდუქტს სთავაზობენ ისინი მომხმარებლებს.
ჩვენ გვაქვს მინი-ჩურჩხელები:
- რაჭული ნიგვზით, ნუშით, გურიის თხილით, პეკანით და გოგრის თესლით.
გვაქვს ჩაროზი:
- ლეჩხუმის შავი ქლიავი რაჭული ნიგვზით, საფერავის ქიშმიში და ნუშით, გარგარი ნუშით.
წყარო:ttimes
