NASA ასაჯაროებს ინფორმაციას, რომ ამერიკულმა მარსმავალმა Perseverance-მა წითელ პლანეტაზე ისტორიაში პირველი ჟანგბადის წარმოების ექსპერიმენტი დაასრულა. ექსპერიმენტის დროს მიკროტალღური ღუმელის ზომის მოწყობილობამ რამდენიმე, საათის განმავლობაში, 122 გ ჟანგბადის გამომუშავება მოახერხა, რაც ასტრონავტებს სამი საათის განმავლობაში ეყოფათ.
Perseverance მარსზე 2021 წლის თებერვალში დაეშვა და მას შემდეგ პერიოდულად წვავს ნახშირორჟანგს ატმოსფეროში მცირე რაოდენობით ჟანგბადის წარმოებისთვის. NASA-ს ასოცირებული ადმინისტრატორის პემ მელროის თქმით, მოწყობილობამ, სახელად MOXIE, 2021 წლის აპრილის შემდეგ ჟანგბადი 16-ჯერ გამოიმუშავა, რაც ბევრად აღემატება საწყის მიზნებს.
“MOXIE-ის შთამბეჭდავი შედეგი აჩვენებს, რომ მარსის ატმოსფეროში ჟანგბადის გამომუშავება შესაძლებელია. ეს ხელს შეუწყობს ასტრონავტებისთვის სასუნთქი ჰაერის ან სარაკეტო საწვავის მიწოდებას“, – ამბობს მელროი.
Perseverance როვერის მთავარი მიზანი პლანეტაზე უძველესი მიკრობული სიცოცხლის ნიშნების ძიებაა. ერთი წლის წინ ცნობილი გახდა, რომ უძველესი მდინარის დელტაში მარსმავალმა მნიშვნელოვანი ნიმუშები აღმოაჩინა, რომლებიც დაეხმარება მეცნიერებს დაადგინონ, არსებობდა თუ არა სიცოცხლე წითელ პლანეტაზე.
წყარო: „AMBEBI.GE“
