“სახელმწიფოს დახმარების გარეშე ყურძენს ვერ წურავს, ჩარტერში გადასაყრელი ფული აქვს მაგას?” – მიშა მშვილდაძე პრემიერის მამაზე

ტელეწამყვანი მიშა მშვილდაძე სოციალური ქსელით პრემიერ ირაკლი ღარიბაშვილის ჩარტერის გახმაურებულ ამბავს გამოეხმაურა.

კერძოდ, დღეს სდსს-ს უფროსმა, ანზორ ჩუბინიძემ, განაცხადამ რომ ჩარტერის ფული პრემიერის მამამ, ტარიელ ღარიბაშვილმა, გადაიხადა.

„150 ათას ლარს ბიუჯეტიდან უხდიან ღარიბაშვილის მამას, რომ ყურძენი გადაამუშაოს – ანუ, უჭირს თვითონ, სახელმწიფოს დახმარების გარეშე ყურძენს ვერ წურავს – ჩარტერში გადასაყრელი ფული აქვს ახლა მაგას?? ანდა ამაზე დიდი განდონობა არსებობს, ფულს რო მოგცემენ, ჰა შე საწყალო, ყურძენი გადაამუშავეო და შენ რო ჩარტერს ქირაობ – რავი, მემგონი ლილუაშვილის ვერსია უარესია, რომ მამამ გადაუხადა – ისესხა უნდა ეთქვათ – პრემიერი ჩარტერით ვალად გაფრინდა და მეერე გადაუხდის, როცა შეეძლება – ქოცები ფულს აუგროვებდნენ საჯაროდ ბოლო-ბოლო:
მძღნერია ეს ამბავი და ეს ხელისუფლება მეგობრებო“, – წერს ის.

შეგახსენებთ, ნოდარ მელაძის საგამოძიებო ჟურნალისტთა გუნდმა „შაბათის ეთერისთვის“ მოამზადა სიუჟეტი, რომლის მიხედვითაც, აგვისტოს ბოლოს ღარიბაშვილმა, ოჯახის წევრებთან ერთად, სამთავრობო თვითმფრინავით იმგზავრა მიუნხენამდე, საიდანაც შემდეგ აშშ-ში გაფრინდა, რათა პენსილვანიაში სწავლის დასაწყებად შვილი ჩაეყვანა.

მელაძის გუნდმა ასევე ისაუბრა ღარიბაშვილის ცოლის, ნუნუკა თამაზაშვილის, გრანდიოზულ დაბადების დღეზე.

ჟურნალისტების მტკიცებით, ღარიბაშვილმა სახელმწიფო ბალანსზე არსებული თვითმფრინავი პირადი მიზნით გამოიყენა.

ასევე ისინი აღნიშნავენ, რომ ზემოთ ჩამოთვლილ ხარჯებს ღარიბაშვილის დეკლარაციაში მითითებული შემოსავლები არ ჰყოფნის და საინტერესოა, საიდან გადაიხადა პრემიერმა ამ ყველაფრის ფული.

მთავრობის ადმინისტრაციამ განაცხადა, რომ მიუნხენში მგზავრობის ფული ბიუჯეტიდან არ გადახდილა და ოპოზიციის ბრალდებები ცილისწამებაა. დღეს ანზორ ჩუბინიძემ განაცხადა, რომ მიუნხენში ფრენის ღირებულება ირაკლი ღარიბაშვილის მამამ, ტარიელ ღარიბაშვილმა გადაიხადა.