ზოგჯერ შვებულებას არა მხოლოდ ლამაზი რუჯი, არამედ ზედმეტი კილოგრამებიც მოაქვს.
ადამიანები ცდილობენ რაც შეიძლება მალე ჩადგნენ ფორმაში, რადგან სხეულის ნორმალური წონა არის ჯანმრთელობის, სიცოცხლის ხანგრძლივობის და, როგორც წესი, წარმატების გასაღები.
დიეტით პირველ თვეში ჯანმრთელობის დარღვევის გარეშე, შეგიძლიათ დაიკლოთ 5-დან 10 კილოგრამამდე ჭარბი წონა. ეს მხოლოდ იმ შემთხვევაში, როდესაც სხეულის საწყისი წონა დიდია. აქ საუბარია BMI-ზე 40 კგ/მ2-ზე მეტი. თუ არც ისე დიდი წონა გაქვთ, მაშინ თქვენი წონის დაკლების ნორმალური მაჩვენებელი პირველ კვირაში ბევრად უფრო მოკრძალებული იქნება.
პირველი კილოგრამებისა და სანტიმეტრების დაკლების მაჩვენებელი ძალიან ინდივიდუალურია, ეს დამოკიდებულია ცხოვრების წესზე, წონაზე და სიმსუქნის გამომწვევ მიზეზებზე, ასევე წონის დაკლების არჩეულ სტრატეგიაზე.
მნიშვნელოვანი პუნქტი: პირველ კვირას ჩვენი ორგანიზმი მხოლოდ წყალს კარგავს, ცხიმის მარაგი კი დიეტის მეორე კვირიდან იწყებს შემცირებას. ამ მომენტიდან წონის დაკლების მაჩვენებელი არ უნდა აღემატებოდეს კვირაში 1 ან 1,5 კილოგრამს. ჯამში თვეში 4 კგ-ზე მეტი არ უნდა დაიკლოთ. ეს არის წონის დაკლების ნორმალური ტემპი.
თუ წონაში უფრო სწრაფად იკლებთ ნახშირწყლების, ცხიმებისა და ცილების მიღების მინიმუმამდე შემცირებით, მაშინ ორგანიზმი უფრო მეტად გადადის „ენერგოდაზოგვის“ რეჟიმში. თქვენი მეტაბოლიზმი შენელდება და კუნთოვანი ქსოვილი დაიწყებს გამოსვლას (და არა ცხიმი!).
ეს ასევე აუარესებს თმის, ფრჩხილების და კანის მდგომარეობას, ქვეითდება მეხსიერება, ფუჭდება განწყობა,ზარალდება იმუნიტეტი და გარკვეულ მომენტში წონის კლება ჩერდება.
წყარო: მკურნალი
