ქრონიკული დაავადებების მქონე ადამიანები, როგორიცაა დიაბეტი, უფრო მგრძნობიარენი არიან სხვა მდგომარეობებისა და დაავადებებისადმი.
ამიტომ, ამ დაავადებების პრევენციისა და მართვის ეფექტური გზების პოვნა აქტუალური რჩება.
ენდოკრინული საზოგადოების ჟურნალში გამოქვეყნებულმა ახალმა კვლევამ აჩვენა, რომ დარიჩინი შეიძლება იყოს მარტივი გზა, რაც ეხმარება პრედიაბეტის მქონე ადამიანებს გააკონტროლონ სისხლში შაქრის მაჩვენებელი. სისხლში შაქრის კონტროლის მთავარი მიზანი მეორე ტიპის დიაბეტის პროგრესირების თავიდან აცილებაა.
ახალი ნაშრომის ავტორებმა გამოიკვლიეს პრედიაბეტის მქინე დაახლოებით 50 მონაწილე 20-დან 70 წლამდე. მონაწილეები შემთხვევით გადანაწილდნენ დარიჩინის ან პლაცებოს ჯგუფში და აძლევდნენ კაფსულებს 3-ჯერ დღეში 12 კვირის განმავლობაში. დარიჩინის ჯგუფში შემავალი პირები იღებდნენ 500 მგ დარიჩინს თავიანთ კაფსულებში, სულ 1500 მგ დარიჩინს დღეში.
შედეგებმა აჩვენა, რომ უზმოზე გლუკოზისდონე შემცირდა მათში, ვინც იღებდა დარიჩინს, მაგრამ იგივე არ მოხდა იმ პირებში, ვინც იღებდა პლაცებოს.
დარიჩინი ასევე აუმჯობესებს ორგანიზმის რეაქციას ნახშირწყლებზე. დარიჩინი ასევე არ იყო დაკავშირებული რაიმე გვერდით მოვლენებთან.\
ამ დასკვნების გათვალისწინებით, ავტორები ამტკიცებენ, რომ უნდა მოხდეს დარიჩინის შესწავლა, როგორც პოტენციური პრევენციული ღონისძიება დიაბეტით დაავადებულებში. სისხლში შაქრის კონტროლი დარიჩინით შეიძლება სასარგებლო იყოს დიაბეტით დაავადებულთათვისაც კი.
თუმცა, მეტი კვლევაა საჭირო დარიჩინის კონკრეტული როლის გარკვევისთვის შაქრისა და დიაბეტის კონტროლში.
წყარო:მკურნალი
