ჟურნალისტი ვახო სანაია საქართველოს პრემიერ-მინისტრის, ირაკლი ღარიბაშვილის აშშ-ში ვიზიტს გამოეხმაურა.
„ახლავე აგიხსნით არსს.ალბათ გახსოვთ, ღარიბაშვილი რომელიღაც მუნიციპალიტეტში ჩავიდა და მსახიობებად გადაქცეული აქტივისტები დაახვედრეს, ვითომ ხალხი მადლობას უხდიდა ,,მშვიდობისთვის”.ახლა წარმოიდგინეთ, რა დაჯდებოდა მთელი თვითმფრინავი ასეთი ,,მსახიობებით” სავსე. ამიტომ ჩარტერი გაცილებით იაფი გამოვიდა.ამ კუთხით შეხედეთ და აღარ გაბრაზდებით“, – წერს ის.
ღარიბაშვილის ამერიკაში მგზავრობის ხარჯების საკითხი აქტუალური „ტვ პირველმა“ გახადა. ჟურნალისტმა ნოდარ მელაძემ განაცხადა, რომ შაბათის გუნდმა მოიპოვა და შაბათს რვა საათზე ეთერში გავა გამოძიება – ირაკლი ღარიბაშვილის მიერ, კერძო ფრენებში ამერიკულ არდადეგებეში და დახურულ წვეულებებში დახარჯული დიდი ოდენობით თანხების შესახებ.
აღნიშნულ საკითხთან დაკავშირებით, განმარტება გააკეთა სტრატეგიული კომუნუკაციების დეპარტამენტმა.
შეგახსენებთ, ღარიბაშვილი ამერიკაში გასული თვის ბოლოს იმყოფებოდა. ღარიბაშვილისა და მისი მეუღლის, ნუნუკა თამაზაშვილის, ფოტოები მანჰეტენიდან მედიაში კულუარულად გავრცელდა.
ამასთან, ირაკლი ღარიბაშვილის შვილი პელსილვანიის უნივერსიტეტში იწყებს სწავლას.
