დაცული ტერიტორიების სააგენტო განცხადებას ავრცელებს:
„გვსურს მწუხარებით გამოვეხმაუროთ ოკაცეს ჩანჩქერის (კინჩხა) მოშორებით მომხდარ უბედურ შემთხვევას. ვუსამძიმრებთ გარდაცვლილის ოჯახს. აღნიშნულ ფაქტთან დაკავშირებით მიმდინარეობს გამოძიება.
უბედური შემთხვევა მოხდა ოკაცეს ჩანჩქერის (კინჩხა) ბუნების ძეგლის მოშორებით, სოფელ კინჩხაში. მედია საშუალებებს მოვუწოდებთ თავი შეიკავონ გადაუმოწმებელი/არაზუსტი ინფორმაციის გავრცელებისგან“, – ნათქვამია განცხადებაში.
ცნობისთვის, ხონში, კინჩხას კანიონზე ვიზიტორი დაიღუპა. არსებული ინფორმაციით, შემთხვევა კანიონთან წუხელ მოხდა.