ახალციხის N5-ე საჯარო სკოლის კურსდამთავრებულებმა 100%–იანი გრანტი მოიპოვეს. ერთიან ეროვნულ გამოცდებზე მიღებული უმეღლესი ქულებით ისინი სასურველ სპეციალობებზე უფასოდ ისწავლიან.
მარიამ ზედგინიძე სრული დაფინანსებით ივანე ჯავახიშვილის სახელობის თბილისის სახელმწიფო უნივერსიტეტში, საერთაშორისო ურთიერთობების ფაკულტეტზე ისწავლის.
„ჩემი ბავშვობის ოცნება იყო ეს უნივერსიტეტი, ძალიან მიხარია რეალობად რომ ვაქციე. სიმართლე გითხრათ, ველოდი ასეთ შედეგს, 12 წელიც ამ დღისთვის ვემზადებოდი. რთული წელი იყო, მაგრამ ღირდა ნამდვილად!“, – ამბობს მარიამი.
100%–ანი გრანტი მოიპოვა ამავე სკოლის მოსწავლე ანი ივანიძემაც:
„სრული დაფინანსებით მოვხვდი „თბილისის სახელმწიფო სამედიცინო“ უნივერსიტეტში, სტომატოლოგიის ფაკულტეტზე. თავდაუზოგავი შრომისა და მონდომების შემდეგ, რა თქმა უნდა ველოდი ამ შედეგს და მიზანსაც მივაღწიე“,–თქვა ანიმ.
სახელმწიფო დაფინანსებით ისწავლის სასურველ უნივერსიტეტში თემო ჩადუნელიც, იგი „თბილისის სახელმწიფო სამედიცინო უნივერსიტეტის“ დიპლომირებული მედიკოსის ფაკულტეტზე ჩარიცხა.
დიმიტრი წიქარიშვილმაც 100%–იანი გრანტი მიიღო და სწავლას „საქართველოს უნივერსიტეტში“ საერთაშორისო ურთიერთობების ფაკულტეტზე გააგრძელებს.
„ამ შედეგს ველოდი, რადგან ვფიქრობ, სათანადოდ ვიყავი მომზადებული გამოცდებისთვის“,– ამბობს დიმიტრი წიქარიშვილი.
წყარო:სამხრეთის კარიბჭე
