“სამთავრობო მეტეო მონიტორინგი არ გაიშვა არსად…” – რას წერს თეა გოდოლაძე

სამთავრობო მეტეო მონიტორინგი არ გაიშვა არსად – ამის შესახებ სეისმოლოგი თეა გოდოლაძე სოციალურ ქსელში წერს.

“პური უნდა აცხოს მეპურემ. იმდენი დაფინანსება არა აქვს თსუ-ს, რომ ამ კაცს ონლაინში ჩაართვევინოს სადგური. წავიდა “პოსლეზე”, გაზომა და დადო მონაცემი. სამთავრობო მეტეო მონიტორინგი არ გაიშვა არსად! დელეგირება! გადაეცით უნივერსიტეტებს, დააფინანსეთ მეცნიერები. თამაში რომ გგონიათ მონიტორინგის სისტემის მართვა!
ახლა, კიდევ გივიკო ჩხარტიშვილისთვის მახსნევინეთ კოლექტორების და სანიაღვრეების ციფრული ბაზა რომ უნდა არსებობდეს და სისტემა რომ უნდა გადააწყო და შესაბამისად მართო. წყალი დაღმა მიდის, მაღლა არა! ვერ გავაგებინებ ამას გივიკოს, ვერა! რაც არ უნდა ვუხსნა! ფანჩატურს და კარტის თამაშს ბირჟაზე, ვერ სცდება მისი ინტელექტი!”