ამ დროისთვის შოვში ჯერ კიდევ 2 დაკარგუოლს ეძებენ. ორივე მცირეწლოვანია. მათგან ერთ-ერთი 4 წლის გიორგი ხორბალაძეა, რომელიც რაჭაში დედასთან და ბებიასთან ერთად ისვენებდა. ორივე ქალის ცხედარი ნაპოვნია, თუმცა, გიორგი არსად ჩანს.
სოციალურ ქსელში ოჯახის წევრები და ახლობლები თითქმის ყოველ დღე ძალიან მძიმე პოსტებს ავრცელებენ. როგორც ჩანს, პატარა გიორგის რამდენიმე დღის წინ იუბილეც უნდა ჰქონოდა, თუმცა ამ ტრაგედიამ ყველაფერი უკუღმა დაატრიალა.
“ჩემო გიო, დიდი ალბათობით, შენს დაბადების დღეს წამოხვედი მაგ დაწყევლილი ადგილიდან, მალე ჩაეხუტები დედიკოს და ბებოს, გელოდებიან” – წერს გივი ბერიანიძე სოციალურ ქსელში.
შეგახსენებთ, სტიქიის ზონაში მაშველებმა 31 ცხედარი იპოვეს, ორი ამ დრომდე დაკარგულად ითვლება.