ავოკადო — მარადმწვანე ხეხილოვან მცენარეთა გვარი დაფნისებრთა ოჯახისა. ავოკადო 10–20 მ სიმაღლის ხეა. მისი ყვავილი ორსქესიანია, მოთეთრო, საგველა ყვავილედში შეკრებილი; ნაყოფი კურკიანაა, ერთთესლიანი, მსხვილი, სხვადასხვა ფორმისა, მუქი მწვანე ან თითქმის შავი.
დიდკურკიანი ეგზოტიკური ხილი მდიდარია ცხიმითა და ვიტამინებით. მის შემადგენლობაშია უჯერი ცხიმოვანი, მათ შორის, ომეგა-3 ცხიმოვანი მჟავები. შეიცავს B ჯგუფის, C, K, E, A, D, PP ვიტამინებს, თუთიას, სპილენძს, სელენს, კალციუმს, ფოსფორს, რკინას, მაგნიუმს, საკვებ ბოჭკოებს. არ შეიცავს ქოლესტერინს და ნატრიუმს.
ავოკადო დაკარგული ძალების აღდგენას უწყობს ხელს. ის იმდენ ვიტამინსა და მინერალურ ნივთიერებას შეიცავს, რომ შეუძლია ადამიანის საკვებიც კი შეცვალოს.
ავოკადო მდიდარია ზეთითაც. ის ზეთისხილის მსგავსად 30 პროცენტამდე ზეთს შეიცავს და ადამიანის ორგანიზმისთვის აუცილებელ პროდუქტად მოიაზრება.