ცოტა ხნის წინ ტრაგიკული შემთხვევა მოხდა ბათუმში – 25 წლის მამაკაცს, რომელიც ზღვაში იმყოფებოდა, თავზე სკუტერმა გადაუარა.
დაშავებული სასწრაფო დახმარების ბრიგადამ კლინიკაში გადაიყვანა. დიდი ძალისხმევის მიუხედავად, ექიმებმა მისი გადარჩენა ვერ შეძლეს.
არსებული ინფორმაციით, ბიჭს დაზიანება თავის არეში ჰქონდა მიღებული.
თვითმხილველთა ინფორმაციით, 25 წლის ბიჭი მეგობართან ერთად ზღვაში სკუტერით შევიდა. სკუტერს მეგობარი მართავდა, რა დროსაც ბიჭი წყალში გადახტა. სამწუხაროდ, მეგობარმა ის ვერ დაინახა და გადაუარა.
მომხდარზე გამოძება სსკ-ის 275-ე მუხლით დაიწყო, რაც ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს.