ინკლუზიური განათლების სპეციალისტი სალომე ჩარკვიანი სოციალურ ქსელში The Killers-ის კონცერტზე მომხდარ ინციდენტს ეხმაურება:
“ისე, ის რუსი რა გაოცებული იქნება.
ჩამოვიდა რუსეთის უკანა ეზოში, არც აფხაზეთის საზღვრის კვეთაზე უკითხავს ვინმეს, არც აქ დასარჩენ დროს უზღუდავს ვიზა, შეუძლია მთელი ცხოვრება აქ იყოს. ბათუმში ჩავიდა და ფეხქვეშ გაეგნენ. ბინა კი არა მთელი უბნები მიჰყიდეს მას და მისიანებს. კაფეში შედის და ყველა რუსულად ევლება თავს, რუსული მუსიკის ფონზე რომ თავი უცხო ქვეყანაში არ იგრძნოს. სხვა მომსახურების მიღება ქართველებისგან აღარ უწევს, მასავით ჩამოსულმა რუსებმა თავისი ბიზნესები დაიწყეს და ჩვენ მხოლოდ ხაჭაპურის და ელარჯის გასაკეთებლად ვჭირდებით. თვითონაც მუშაობს უპრობლემოდ, ხან წვეულებებზე უკრავს, ხან ბავშვებს ასწავლის დრამს, ალბათ. მოკლედ, რუსეთშია, ოღონდ მზიანში. იდეალური სამყაროა.
მაააგრამ ზღვარი უნდა იცოდეს! მომინდომა ბლექსის სცენაზე ასვლა!
არ მესმის, მაგრამ მიყვარს ქართველების ეს უცნაური ბუნება. სად წამოგეწევა, რომ ვერ გაიგებ” – წერს სალომე ჩარკვიანი.