დღეს, დაბა აბასთუმანში, ასათიანის N39–ში, ფოსტის ყოფილი შენობის დემონტაჟის სამუშაოების ჩატარებისას, შენობიდან მუშა გადმოვარდა. 55 წლამდე კაცი ახალციხის რეფერალურ ჰოსპიტალშია გადაყვანილი. მის სიცოცხლეს საფრთხე არ ემუქრება.
„სამხრეთის კარიბჭეს“ ინფორმაციით, დაშავებულს ნეკნების მოტეხილობა აღენიშნება. სამედიცინო დაწესებულებაში ჩატარებულმა კვლევებმა სიცოცხლისთვის საფრთხის შემცველი დაზიანებები არ გამოავლინა.
თვითმხილველების ინფორმაციით, ერთსართულიანი შენობის სახურავზე მდგომი კაცი სანგრევი პერფორატორით მუშაობდა, რა დროსაც ის ბეტონის ფილა ჩამოინგრა, რომელზეც იგი იდგა.
„მუშები იყვნენ, მუშაობდნენ. წინ იდგა, ანგრევდა. ვიბრაციისას ჩამოიშალა ფილა და ის შიგნით ჩავარდა. მუშებმა რომ დაიყვირეს და გამოიყვანეს, მერე გავიგეთ, რა მოხდა. სასწრაფომ წაიყვანა“,–ამბობენ აბასთუმანში.
წყარო: sknews.ge