თბილისის მერმა კახი კალაძემ აღმაშენებლის გამზირზე არსებული კაფე-ბარების მეპატრონეებს სანქციები დაუანონსა. მისი თქმით, თუ ქალაქის ტურისტულ ეპიცენტრში რესტორნები გარე სივრცეების დემონტაჟს არ დაიწყებდნენ, მაშინ შესაბამისი ზომები ამოქმედდებოდა.
აღმაშენებელზე არსებულ ვითარებას ყველაზე მეტად ადგილობრივები აპროტესტებენ, რადგან ქუჩა ისეა გადატვირთული, რომ საჭიროების შემთხვევაში, იქ ვერც სასწრაფო და ვერც სახანძრო ვერ მიდის.
“გადაადგილებაც გვიჭირს, რკინის კონსტრუქციები პირდაპირ მიშენებულია სახლის ფასადებს, დისკომფორტია ჩვენთვის. რკინის კონსტრუქციები, იატაკები პირდაპირ ტროტუარზე დაგებული უნებართვოდაა, რეაგირებას ველოდებით, ვიღაც უნდა იდგეს, უნდა იყოს მუდმივი მონიტორინგი,“ – ამბობს ერთ-ერთი ადგილობრივი.
წყარო – “ტვ პირველი”