შოვის ტრაგედიის შედეგად ერთ-ერთი გარდაცვლილი მეგი გუტაშვილია.
გარდაცვლილ გოგონაზე ემოციურ პოსტს ProActive Group Georgia სოციალურ ქსელში აქვეყნებს:
“ძალიან გვიმძიმს ამაზე საუბარი. შოვის ტრაგედიისას დაღუპული ერთ-ერთი ჩვენი კარგი მეგობარი და ჩვენი Erasmus+ გაცვლითი პროექტის მონაწილე მეგი გუტაშვილია, რომელმაც ასევე გულითადად გვიმასპინძლა მეგობრებთან ერთად შარშან რაჭაში.
მეგი იყო რაჭაზე და საქართველოზე საოცრად შეყვარებული ადამიანი, რომელიც გამოირჩეოდა მაღალი სამოქალაქო პასუხისმგებლობით. ახალგაზრდების დიდი მხარდამჭერი.
მეგი გამორჩეულად ღიმილიანი, ლაღი და კეთილი ადამიანი იყო, რომელიც მუდამ გვემახსოვრება და ძალიან დაგვაკლდება ყველას. დიდი მწუხარებით ვუსამძიმრებთ მეგის ოჯახს, მეგობრებს და საქართველოს.”