“დღე და ღამე სწავლობდა, მუშაობდა კიდეც, რომ მომზადების თანხა თავად დაეფარა…” – გიორგი ღოღობერიძე

ექიმი გიორგი ღოღობერიძე სოციალურ ქსელში მის აბიტურიენტზე წერს, რომელმაც ბიოლოგიის გამოცდაში უმაღლესი შეფასება მიიღო.

„წელს ერთიან ეროვნულ გამოცდაზე მაქსიმალური ქულა ბიოლოგიაში ჩემმა აბიტურიენტმა- ლიკა გონაშვილმა აიღო. ლიკა არის ადამიანი, რომელიც გარდა იმისა დღე და ღამე სწავლობდა, მუშაობდა კიდეც, რომ სხვადასხვა საგანში მომზადების თანხა თავად დაეფარა და მშობლები არ შეეწუხებინა.

აი, მეტი რით უნდა გაგაოცოს ასეთმა პატარა ადამიანმა? ეს დღეები გული მომიკვდა შოვის ტრაგედიის გამო, მაგრამ ლიკასნაირი ახალგაზრდობის გამოჩენით იმედი მეძლევა, რომ უკეთეს საქართველოში ვიცხოვრებთ“, – აცხადებს გიორგი ღოღობერიძე.