საქართველოში, შვეიცარიის საელჩოში რუსეთის ინტერესების განყოფილების ცნობით, შოვში სტიქიას რუსეთის მოქალაქე ქსენია ტრიჩევა ემსხვერპლა.
წარმომადგენლობის ცნობით ტრიჩევას ცხედარი მისმა ახლო მეგობარმა დღეს ამოიცნო.
“დღეს მიღებული ინფორმაციის მიხედვით, ქსენია ტრიჩევა გარდაცვლილი იპოვეს – ცხედარი მისმა ერთ-ერთმა ახლო მეგობარმა მორგში ამოიცნო.
ღრმა სამძიმარს ვუცხადებთ ქსენიას ოჯახსა და მეგობრებს” – წერია განცხადებაში.
შეგახსენებთ, 3 აგვისტოს შოვში მეწყერი ჩამოწვა, რომელმაც სოფელი, ფაქტობრივად, სრულად გაანადგურა. ნაპოვნია 16 ადამიანის ცხედარი. 20-მდე პირი, მათ შორის ბავშვები, ამ დრომდე დაკარგულად ითვლებიან. სამძებრო-სამაშველო სამუშაოები გრძელდება.