რაჭაში, სტიქიის ეპიცენტრში სამძებრო-სამაშველო ღონისძიებებში ჩართულია კინოლოგთა ჯგუფი. ადგილზე იმყოფება მაშველი ძაღლი ტინტოც, რომელიც საზოგადოებამ დიდი ხნის წინ გაიცნო. გმირ ოთხფეხა მეგობარს რამდენიმე თვის წინ თურქეთში სამაშველო ოპერაციის დროს ნანგრევებში მოყოლილი ადამიანის სიცოცხლის გადარჩენისთვის ჯილდოც გადაეცა. ახლა კი ის შოვში ცდილობს იპოვოს დაკარგული ადამიანები.