ამ დრომდე გრძელდება ძებნა შოვში დედის, ნატო ჭელიძისა და მის სამი შვილის – ლუკას, ანდრიას და ანასტასია დუდაშვილების ძებნა. AMBEBI.GE-სთან საუბარში ოჯახის წევრები აცხადებენ, რომ სამძებრო სამუშაოებში ბავშვების მამაც ჩართულია. სხვა სიახლე ამ ეტაპისთვის არ აქვთ.
“არაფერი სიახლე არ გვაქვს. გადავიდა ამ ბავშვების მამაც და ეძებს თვითონაც. მეტი ინფორმაცია ჩვენ არა გვაქვს” – გვითხრა ოჯახის ახლობელმა.
შეგახსენებთ, 3 აგვისტოს შოვში მეწყერი ჩამოწვა, რომელმაც სოფელი, ფაქტობრივად, სრულად გაანადგურა. ნაპოვნია 15 ადამიანის ცხედარი. 20-ზე მეტი პირი, მათ შორის ბავშვები, ამ დრომდე დაკარგულად ითვლებიან. სამძებრო-სამაშველო სამუშაოები გრძელდება.
წყარო: ambebi.ge