რაჭაში მომხდარი სტიქიის დროს დაკარგულ პირთა სრული სია ამ დრომდე უცნობია. ოფიციალური მონაცემებით, დაკარგულად ითვლება 35 პირი, თუმცა, როგორც “მეტრონომისთვის” ხდება ცნობილი, მათი რაოდენობა გაცილებით მეტია.
სოციალურ ქსელში უამრავი პოსტი იწერება, სადაც ადამიანები ოჯახის დაკიარგულ წევრებს ეძებენ და დახმარებას ითხოვენ:
“კოტეჯები, სადაც ისინი იყვნენ სრულებით განადგურებულია, აღარ არსებობს. პატარა ბავშვებს ვერ ვპოულობთ. გთხოვთ გააზიარეთ იქნებ ცოცხლები არიან, იქნებ დახმარება სჭირდებათ. მეგი გუტაშვილი და მისი ძმა, გიგი გუტაშვილი” – წერენ სოციალურ ქსელში.