“ოჯახი ვერ ეხმიანება 18 წლის გოგოს, მასთან ერთად იყო 4 წლის ბავშვი” – რა მიმართვა ვრცელდება სოციალურ ქსელში

შოვში სტიქიური უბედურების შედეგად ადგილზე ჩარჩენილებს შორის არის აზერბაიჯანელი 18 წლის გოგონა. – ამასთან დაკავშირებით ინფრომაციას სოციალური ქსელის მომხმარებელი მარიამ მეტრეველი “ფეისბუკ” ჯგუფში “რაჭა” ავრცელებს.

“ოჯახი ვერ ეხმიანება ერთ გოგოს, არის აზერბაიჯანელი 18 წლის ,მაგრამ ქართულად თავისუფლად საუბრობს , იყო კიდევ ორ ქალთან 40 წლამდე და 60 წლამდე ასევე ყავდათ 4 წლამდე ბიჭი ზუსტი ადგილი არ ვიცით სად ისვენებდა , როგორც მითხრეს შოვში იყო კოტეჯებში და მთელი დღე არ ეხმიანებათო , ნომერიც იცის წესით უნდა დაერეკა თუ თავისი ტელეფონით ვერ რეკავს, ვინმეს ხოარ გინახავთ,ვინმეს გვერდზე ხომ არ არის ვინც იქ იყავით ან რა სიტუააციაა ახლა შოვში” – წერს მეტრეველი

შეგახსენებთ, გუშინ შოვში მეწყერი ჩამოწვა, რომელმაც სოფელი ფაქტობრივად სრულად გაანადგურა. შინაგან საქმეთა სამინისტროს თანამშრომლების მიერ სტიქიის ზონიდან აქტიურად ხორციელდება მოქალაქეების გამოყვანა და ამ დროისთვის უსაფრთხო ადგილას გადაყვანილია კიდევ 140 ადამიანი. გუშინდელი და დღევანდელი დღის ჩათვლით, სტიქიის ზონიდან სულ გადმოყვანილია 210 ადამიანი.