ხვიჩა კვარაცხელიას რამდენიმე დღე იძულებითი უქმად ყოფნა მოუწევს და აუგსბურგთან მოედანზე ვერ გავა, რადგან ამხანაგურ მატჩში 22 წლის ქართველმა ვარსკვლავმა მარცხენა მუხლი დაიზიანა. იტალიური პრესა წერს, რომ დაჟეჟილობა აღენიშნება. აღსადგენად ხვიჩა თერაპიას გაივლის.
კვარამ ჟირონასთან მე-60 წუთიდან ითამაშა, მოედანი კი კოჭლობით და სახვევით დატოვა. დაზიანების გამო მას მონაწილეობა პენალტების სერიაშიც არ მიუღია. აქვე გეტყვით, რომ ქართველ ფეხბურთელს დღეს არ უვარჯიშია.
სეზონის სტარტამდე ორ კვირაზე ოდნავ მეტი დარჩა. ნაპოლი სერია A-ს პირველ ტურში 19 აგვისტოს, სტუმრად გიორგი კვერნაძის ფროზინონესთან ითამაშებს. მანამდე ორი ამხანაგური თამაში აქვს დაგეგმილი აუგსბურგსა და აპოლონთან, მაგრამ როგორც უკვე აღვნიშნეთ, გერმანულ გუნდთან ხვიჩას თამაში საეჭვოა.