მარიამ მურღვლიანი ევროპის ჩემპიონია. ძალოსანმა 3 ოქროს მედალი მოიპოვა – ინფორმაციას საქართველოს ძალოსნობის ეროვნული ფედერაცია ავრცელებს.
“ბუქარესტში მიმდინარე (U20) ძალოსანთა ევროპის ჩემპიონატზე გოგონათა შორის 87კგ წონით კატეგორიაში, ნაკრების მთავარი მწვრთნელის, თემურ ჯანჯღავას ხელმძღვანელობით, მარიამ მურღვლიანმა ბრწყინვალედ იასპარეზა.
ძალოსანმა ატაცში 95/100/102 კგ. დაძლია, ოქროს მედლის მფლობელი გახდა და ევროპის ჩემპიონობა იზეიმა. მარიამ მურღვლიანმა აკვრაში თავი 118 / 123 / 127 კილოგრამს გაართვა, რაც ასევე ოქროს მედლის მომტანი გახდა. ორჭიდში მოგროვილი 229 კილოგრამით კი კვლავ კვარცხლბეკის უმაღლეს საფეხურზე დადგა”, – ნათქვამია ინფორმაციაში.