ჟურნალისტი, ვიკა ბუკია, ბათუმში რუსული ლაინერის ჩამოსვლას და შსს-ს მობილიზებას ეხმაურება და წერს:
“ახლა ვფიქრობ, ეტყობა სოჭიდან ჩამოსული რუსული კრუიზის მგზავრი უნდა ვყოფილიყავი და საქართველოს ოკუპანტი რომ ცხოვრებაში ერთხელ მაინც განმეცადა, რას ნიშნავს როცა საქართველოს პოლიცია გიცავს.
ბევრ აქციაში მიმიღია მონაწილეობა, მაგრამ არასდროს განმიცდია რას ნიშნავს, როცა საქართველოს პოლიცია ჩემს სიცოცხლეზე ზრუნავს.
ის რაც ჩვენ არ გვეღირსა, მეგობრებო, აგერ ეღირსათ რუსეთის მოქალაქეებს. აწი ასე მხოლოდ რუსებს შეუძლიათ დაიტრაბახონ. კრუიზიდან სამშობლოში დაბრუნებული რაშისტები ალბათ მოყვებიან როგორ იცავდა მათ უსაფრთხოებას ქართული პოლიცია ქართველი ქაჯებისგან.“
ცნობისთვის, რუსული ლაინერი ბათუმის პორტში 31 ივლისს გამთენიისას შემოვიდა. ცნობილია, რომ გემზე იმყოფებოდნენ ომისა და პუტინის მხარდამჭერი რუსი არტისტები.