ხელვაჩაურში, მახოს ხიდთან ახლოს, ბათუმი-ახალციხის გზაზე ორი მსუბუქი ავტომანქანა ერთმანეთს შეეჯახა. ავტოსაგზაო შემთხვევა დღეს, 30 ივლისს მოხდა.
ავარიის შედეგად რამდენიმე ადამიანი დაშავდა, მათ შორის, არასრულწლოვანები. დაშავებულები კლინიკაში გადაიყვანეს.
ავარიას ერთი ადამიანის, მძღოლის სიცოცხლე ემსხვერპლა.
გავრცელებული ინფორმაციით ავარია ტურისტთა ჯგუფს მოუვიდა.
სასწრაფო-სამედიცინო სამსახურის ინფორმაციით, კლინიკაში სულ 9 პირი გადაიყვანეს, მათ შორის, 4 ბავშვია.
ადგილზე მუშაობენ სამართალდამცველები.