ყოფილი პარლამენტარი მეგი გოცირიძე სოციალურ ქსელში საქართველოს მესამე პრეზიდენტის, მიხეილ სააკაშვილის მძველსა და ახალ თანაპარტიელებს მიმართავს.
„ზოგადად, მიშა მტვერსასრუტივით ისრუტავდა და მაგნიტივით იკრავდა მოღალატეებს გნებავთ ხელისუფლებაში ყოფნისას და გნებავთ ოპოზიციაში…
კიდევ ბევრჯერ გავიმეორებ, მე მხოლოდ იმიტომ მწამს და მჯერა ერთგულების, არასოდეს, არავისთვის რომ არ მიღალატია და მით უფრო იდეისთვის, მრწამსისათვის, სიმართლისათვის …. არ გგავართ და ვერც ვერასოდეს დაგემსგავსებით თქვენ, ვინც გუშინ მოღალატეებს ეძახდით სამართლიანად, ვინც მანდატების ქურდებს ეძახდით და ყველაფერ იმას, რასაც იმსახურებდნენ და დღეს , საქციელს რომ უწონებთ – მონსტრთან ბრძოლაშიო?! და მონსტრი არ იყო მაშინ ბიძინა , როცა ეს გამყიდველები დიდი ფულის სანაცვლოდ პარტიას ახევდნენ მიშას, საძირკველს რომ აცლიდნენ და თავს ესხმოდნენ ამორალურად, დევნილობაში მყოფ პრეზიდენტს?!
ან საერთოდ გაჩუმდით, ან ჩემგან ელოდეთ, რომ ზოგს სიმართლის მუშტს გითავაზებთ სახელობითად, ზოგსაც ალესილი იდაყვი მოგხვდებათ ცხვირში“, – წერს ის.