ასტროლოგები ზოდიაქოს 3 ნიშანს ასახელებენ, რომლებსაც 2023 წლის აგვისტოში განსაკუთრებით გაუმართლებთ და წარმატების მიღწევის გაცილებით მეტი შანსი ექნებათ:
ტყუპები
შესაძლოა, ბოლო თვეების განმავლობაში განსაკუთრებით გადაიღალეთ, ბევრი განსაცდელი და გამოწვევა შეგხვდათ და ემოციური სიცარიელის შეგრძნება გქონდათ, მაგრამ ახლა დროა, სიმტკიცისა და მოთმინებისთვის, ყველა სიკეთისა და კეთილგანწყობისათვის დამსახურებული ჯილდო მიიღოთ! 2023 წლის აგვისტო ბევრ ბედნიერ დღესა და გამართლებას გპირდებათ. შეძლებთ, რომ საფუძვლიანად დაისვენოთ. პრობლემები იმაზე მარტივად მოგვარდება, ვიდრე ფიქრობდით. თუკი რაიმე საქმეს წამოიწყებთ, სამყარო თქვენ მხარეს იქნება, მოგიტანთ წარმატებასაც და მატერიალურ კეთილდღეობასაც.
მორიელი
მორიელებისთვის აგვისტო ერთ-ერთი წარმატებული და დასამახსოვრებელი თვე იქნება. ეს პერიოდი მოგცემთ შესაძლებლობას, რომ საკუთარი პოტენციალი სრულად გამოავლინოთ, საბოლოოდ გათავისუფლდეთ ეჭვებისა და წარსულის აჩრდილებისაგან და საფუძვლიანად დაისვენოთ, ცხოვრების განახლებული ეტაპი დაიწყოთ. ახლა შესანიშნავი დროა, ჰობი, საყვარელი საქმე წინა პლანზე წამოსწიოთ და სიამოვნება მიიღოთ. ყველა შანსი გაქვთ, რომ თქვენი უნარები და შესაძლებლობები ბოლომდე გამოავლინოთ, აღმოაჩინოთ ინტერესის ახალი სფეროები, ჩაერთოთ მომგებიან პროექტებში და მატერიალური კეთილდღეობისთვისაც კიდევ უფრო წარმატებული გზები იპოვოთ.
თევზები
თევზებს აგვისტოს თვეში კომუნიკაციის მიმართულებით განსაკუთრებით გაუმართლებთ. თქვენი ყველა მოლაპარაკება წარმატებით და თქვენთვის სასურველი შედეგით დასრულდება. გექნებათ მომგებიანი ინიციატივები, რაც ფინანსურ ზრდაში დაგეხმარებათ. ასევე, შესანიშნავი პერიოდია, გრძნობებში გამოუტყდეთ იმ ადამიანს, რომელიც დიდი ხანია, მოგწონთ, მაგრამ დალაპარაკებას ვერ ახერხებდით. თავდაჯერებულობასა და საოცარ ენერგიას იგრძნობთ და ნახავთ, რომ იმაზე გაცილებით მეტი რამ შეგიძლიათ, ვიდრე ფიქრობდით და წარმოგედგინათ.
წყარო: ბომონდი