დღეს, 24 ივლისს ნინოწმინდა-წალკის საავტომობილო გზაზე, ავტოსაგზაო შემთხვევა მოხდა. შემთხვევის შედეგად ერთი პირი დაშავდა, რომელიც ნინოწმინდის კლინიკაშია გადაყვანილი.
რადიო „ნორის“ ინფორმაციით, მძღოლმა საჭე ვერ დაიმორჩილა და გზის სავალი ნაწილიდან გავარდა.
„სამხრეთის კარიბჭეს“ ნინოწმინდის კლინიკაში განუცხადეს, რომ დაშავებულს შესაბამისი გამოკვლევები ჩაუტარდა, თავს კარგად გრძნობს და კლინიკას მალე დატოვებს.
შსს–მ მომხდარზე, გამოძიება სსკ–ს 276–ე მუხლით დაიწყო, რაც ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს.