21 წლის ბიჭზე ძალადობის თვითმხილველი იხსენებს დეტალებს, თუ როგორ უსწორდებოდნენ პოლიციის წარმომადგენლები ახალგაზრდა ბიჭსა და მის ბებიას:
“კორპუსიდან იხედებოდა N-რაოდენობა ხალხი, აი აქაც იდგა ხალხი. მე დამხვდა მანქანა მილიციის აქ, ვიღაცა ბიჭი იყო ჩატენილი მანქანაში. ბებია ბიჭს არ უშვებდა ხელს და მილიციელები ფაქტიურად ამ ბებიას ურტყამდნენ. ახალგაზრდა, ძალიან ახალგაზრდა ბიჭი იყო, ვინც ბებიას ურტყამდა…
მე ვიფიქრე კიდეც, რომ თუ სასამართლო იქნება, ნამდვილად მოწმედ წავალ, რომ უნდა დაიშვას პრეცენდენტი იმისა, რომ დაისაჯოს ადამიანი, რომელიც გადაჭარბებულად ასრულებს თავის მოვალეობას. იმდენად გადაჭარბებულად, რომ რომელიღაც პოლიციელს ტელეფონიც კი დაუვარდა. ბიჭი მიჰყავდათ როგორ, იცი? ბებია ხელს რომ არ უშვებდა, მანქანა დაქოქეს და ბებიიანად მიჰყავდათ მანქანა”, – ამბობს თვითმხილველი.