ოკუპირებულ აფხაზეთში, გუდაუთის რაიონში ე.წ. კანონიერი ქურდი თემურ ახუბა, მეტსახელად “დინ რიდი” მოკლეს- ამის შესახებ “ეხო კავკაზა” ავრცელებს ინფორმაციას.
გამოძიება განზრახ მკვლელობისა და იარაღის უკანონო შეძენა-შენახვა-ტარების ფაქტზე მიმდინარეობს.
ამჟამად ექსპერტ-კრიმინალისტები შემთხვევის ადგილზე საგამოძიებო მოქმედებებს ატარებენ. ოკუპირებული აფხაზეთის ე.წ. პოლიცია დანაშაულში ბრალდებული პირების დაკავებას ცდილობს.