ცფსიქოლოგი ნათია ფანჯიკიძე სოციალურ ქსელში სახალისო პოსტს აქვეყნებს.
„დაიბეჭდა, რომ ჩემს სოფელში, რაჭაში, დათვმა ხბო შეჭამა. ოთარიკამ მითხრა, ჩემი ხბო იყო ეგაო. ნინოუკამ, ნათელიკას ძროხაც შეუჭამია დათვსო და ისე მეშინია, ისე მეშინიაო… ჩემმა დამ პოლიციელებს ჰკითხა, მართლა ასე მომრავლდნენ, რომ სოფელ-სოფელ დადიან, ფრთხილად უნდა ვიყოთო? პოლიციელებმა, მოგონილია ბოშო ეგ ამბავიო. ჩემმა დამ სასწრაფოდ მიახარა ნინოუკას, მოგონილი ყოფილაო, მისთვის დათვოფობიის მოხსნის მიზნით, მაგრამ ნინოუკა სულაც არ დამშვიდდა, არამედ თავი შეურაცხყოფილად იგრძნო – ესეიგი ნათელიკამ თვითონ შეჭამა თავის ძროხა???!!“, – წერს ის.