სოფელ საზანოში სამცვერას ჩანჩქერთან 18 წლის ბიჭს ეძებენ. თავდაპირველად გავრცელდა ინფორმაცია, რომ ახალგაზრდა წყალში გადახტა, თუმცა, ამას ადგილობრივები უარყოფენ.
„არ გადამხტარა, ფეხი დაუცურდა და ჩავარდაო… ძალიან დიდი წყალი იყო წუხელ მოვარდნილი, ამიტომ დინებამ ჩაიტანა. საწყალი, გული მეწვის… მსგავსი არ მახსოვს მაგ ადგილას… ბევრი დამტვრეულა, გადავარდნილან და გადარჩენილან, მაგრამ სიკვდილი არასდროს….ღმერთო, შენ დაგვიფარე.“ – წერს ერთ-ერთი ადგილობრივი.
შემთხვევა გუშინ მოხდა. სამაშველო სამუშაოები გუშინ ღამით შეწყდა, დილიდან კი ისევ განახლდა. ახალგაზრდა ზესტაფონის მკვიდრია.